حماتي بتاعت اعمال _بقلم هويدا زغلول
رقيه
هو حازم مجاش يا ماما
الام
والله يا بنتي اتصلت بيه كتير وهو مش راضي يرد عليا خالص مش عارفه ليه وبعدين تليفونه اتقفل اصبري شويه يمكن يكون وراه تصوير ولا حاجه
رقيه
يا ماما هو مش عايز يجي انا عارفه متاكده كويس قوي ان هو مش وراه تصوير اليومين دول
الام
معقولة يعني مش هيجي لك خالص لا لا معتقدش يا رقية ده حتى حازم طيب وقلبة حنين ولا يمكن يسيبك ده وانتي والده
رقيه
لا اكيد هو دلوقتي عند امه وهي سخنته عليا هي وأخوه ومش هايجي
وفي بيت حماتي قالت لحازم
سنية
ايه يا حبيبي بس مالك انت عامل في نفسك كده ليه وبعدين خليك كده متردش عليها خليها تعرف ان الله حق
حازم
دي هي رنت يجي عشرين مره هي وامها
سنية
ومايرنوش ليه يا عين امك تلاقيهم عايزين فلوس ولا عايزين منك حاجة ااه ماهو انت الفرخة اللي لتبيض لهم الدهب
حازم
خلاص بقا يا ماما بلاش كلامك ده اديني معاكي اهو ومش هرد عليها
سنية
ايوه كده يا قلب امك
وخرج هشام من جوه وقال
هشام
طب والله انا ماعارف انت مستحمل مراتك دي وأهلها ازاى بس يا حازم ياخويا ما تقولي لو ياما لما كنتي رايحة عنده في مره سمعتي حماته بتقول ايه لمراتة عرفيه اوعي تخبي عنه حاجة
سنية
هااا اااا ااه ااه هو باين قولت لك يا هشام يومها فكرني كده يا حبيبي وعرفه انت
هشام
ايوه ما انتي يومها جيتي قولت لي انك سمعتي حماته وهي بتقول لمراتة انا عايزاكي تشطبي عليه اول بأول واوعي الوليه امه دي تاخد حاجة ده مالك ومال عيال اللي جايين في الطريق هو مش ده الكلام اللي حماته قالته
وبيغمزها عشان تقول
سنية
ااه ااه حصل ورحمة ابوك حصل ده انا حتى يومها جيت على هشام وقولت له علطول لا لا البنت دي مش من توبك يا حبيبي طىلقها يا حازم يابني
هشام
ايوه طىلقها يا حازم دي متنفعكش
كل ده وحازم بيسمع لكلامهم وهو حاسس ان الدنيا بتلف بيه ومش عارف يعمل ايه وهشام قاله
هشام.
انت مالك كده ياخويا سرحان في ايه بقولك ايه يا حازم ماتشوف لي كده قرشين معاك اصل انا عايز اروح اجيب شوية حاجات لأمك معندهاش حاجة في البيت
حازم
طبعا يا هشام خود الفلوس اهيه وهات لأمك كل اللي هي عايزاه واوعي تخلي امي محتاجة حاجة
سنية
الهي ياخد عدوينك يا ضنايا يارب والنبي ده مفيش في طيبة قلبك يا حازم
حازم
تسلمي يا امي انا همشي بقا لاني عندي شغل
ونزل مشي وانا بعت له رساله وقولت
رقيه
انت فين يا حازم انا ولدت وموجوده في المستشفى انا وماما ومش معانا حد خالص لو سمحت تعالي
بعدها جه حازم وقال ببرود
حازم
حمد الله على السلامة انتي عامله ايه
رقيه
انا كويسة يا حازم بقا كده اهون عليك اني ارن كل ده وانت متردش ليه ده كله هو اللي انا عملته عشان تعمل كده
حارم
والله انا حر يا رقيه وبعدين اعملي حسابك لما تخرجي من هنا هيبقا لينا كلام تاني مع بعض
رقيه
كلام ايه هو انا عملت ايه يعني عشان ده كله
الام
صلى على النبي يا حازم يابني واستهدى بالله انت كده ومتخليش الشبطان يلعب في دماغك من ناحية مراتك
حازم
وهو الشبطان يلعب ليه وبعدين ده على اساس انكم انتو اللي مش شياطين وعايزين تنهبوني وتاخدو كل فلوسي
الام
مين يابني اللي عايز ياخد فلوسك ليه هو احنا ناقصين فلوس يعني محتاجين لا لا يا حازم ملكش حق تقول كده
رقيه
انا نفسي اعرف انت بتجيب الكلام ده منين هااا قولي كده بتجيبة منين
حازم
من مطرح ما بجيبه يا هانم المهم بس ابقي اعملي حسابك اننا لما تخرجي من هنا كل واحد فينا هايروح لحاله وكده خلصت خلاص
وبعدها مشي وانا رجعت البيت انا وامي وعند حماتي هشام قال
هشام
على الله بقا التسخين اللي احنا سخناه ليه ده يجي بفايدة
سنية
الا بفايدة طب ده زمانه دلوقتي طىلقها وقالها على بيت امك ومترجعيش هنا تاني يخربيت أفكارك يا هشام والنبي ياواد ده انت دماغك دي سم
هشام.
وهو انا يعني جايبه منين ياما مس منك انتي يا ست الحبايب بس بقولك ايه ياما انا نفسي نغير البيت ده وعندي فكرة كده مش عارف توافقي عليها ولا لا
سنية
خير يا ضنايا قول عايز ايه
هشام
انا بفكر انك تتفقي مع عمي كده اننا نمضي على تنازل عن البيت ده كده كده يعني ونقول لحازم ان ابويا كان بايع لعمي واحنا منعرفش حاجة قوم ايه بقا عمي جه وخده يقوم هو بقا ساعتها يعملنا بيت جديد
سنية
طيب وبيتنا ده هنعمل فيه ايه يا هشام وهنروح فين بس يابني
هشام
نقعد في ايجار مؤقت بس قولتي ايه
وعندي في البيت حازم جه وقالي
حازم
