قصة حقيقية تخيل تبقا عايش في أمان الله الجزء التانى والثالث بقلم احمد حسن

الجزء التانى والثالث
مبدأيا خليك فاهم إن في 23 ضحېة حقهم في رقبتك إلى يوم الدين أما بعد..
دي كانت بداية الكلمات القاسېة في مذكرة سلوى المنصوري اللي جعلت راشد يفجع من رقم الضحايا !!
ثم أكمل القراءة ..
أنا سلوى المنصورى أعمل طبيبة بمجال الطب النفسي وقد تم إستدعائي سريا من قبل شخوقة للسفر للأقصر لعلاج بنت تعاني من حالة نفسية صعبة وهي فاتن عزام الطوبجي
هنا وقف راشد واستغرب وقال فاتن مين ! عزام معندوش بنات أسمها فاتن!!
رجع كمل قراءة ..
في البداية كنت سعيدة جدا إني هزور الأقصر وهتكون فرصة كويسة إني ازور بعض الأماكن السياحية وفي نفس الوقت هستمتع بالجو الريفي المميز بعيدا عن زحمة المدن
لكن للأسف بمجرد دخولي بيت عزام الطوبجي حسيت إني دخلت قبري برجلي
بعد ما وصلت المحطة كان في حد من رجالة عزام في انتظاري خدني وصلني لبيت عزام وأول ما دخلت مديت إيدي أسلم عليه مرضيش يسلم عليا وقالي ..
احب اعرفك بنفسي انا عزام الطوبجي الباشا كلمني عنك وقالي إنك شاطرة وإنك هتقدري تعالجي بنتي
رديت قولتله .. إحنا هنعمل اللي علينا والشفاء من ربنا واتأكد اني إن شاء الله مش همشي من هنا الا لما اكون عملت كل ما بوسعي
انا قولت كده ولقيت عزام بيبرقلي بعينه ويقولي .. أنتي مش هتمشي من هنا غير لما بنتي تخف وترجع صاغ سليم فاهمة يادكتورة
في اللحظة محبيتش إني أرد عليه أو أحاول افهم معنى كلامه ومن تحليلي قلت يمكن في حاجة معصباه ومش عارف هو بيقول إيه ! بس الصراحة حسيت إن قلبي بدأ يرجف من الخۏف بلعت ريقي بالعافية وحاولت إني أبين إني مش مهتمة وطلبت إني أشوف فاتن
بالفعل خدني على أوضة فاتن وأول ما فتح باب اوضتها لقيت شكلها مرعب وشعرها منكوش ومقطعة وشها بضوافرها وجريت علينا وراح هو قافل الباب وقالي ها يادكتورة شفتي فاتن
بتمتمة قولته اه تمام !
خدني على أوضتي وأول ما دخلت قفلت على نفسي الباب وقعدت عالأرض وبدعي ربنا أكون بحلم وإن اللي بيحصل ده كابوس مش حقيقي ! البنت حالتها صعبة جدا وموضوع علاجها ممكن يطول أوي والحالات دي نسبة الشفا فيها قلية جدا ومش عارفة مصيري إيه مع الكائن المتوحش اللي أسمه عزام ده !
في اليوم التالي طلبت منهم يمسكولي فاتن أديها جرعة مهدأ
عشان أعرف أتعامل معاها وبالفعل إديتها الجرعة وطلبت يسيبونا لوحدنا وبدأت أضمد چروحها قبل ما أتكلم معاها وسرعان ما لقيتها مسكت فيا وحرفيا بهدلتني أنقذوني منها بالعافية ونقلوني على غرفتي وهناك طلبت منهم إن فاتن لازم تتنقل للمستشفى علاجها في البيت مستحيل
بمجرد ما قولت كده لقيت حكمت زوجت عزام بترد عليا بصوت حاد وتقولي فاتن مش هتتنقل من هنا يادكتورة
قولتلها اللي بيحصل ده مش صح وحالت فاتن متأخرة جدا ولازملها رعاية متخصصة على مدار 24ساعة وعلاجها في البيت هنا مستحيل ولو انتم مصممين على كده أنا متأسفة مش هقدر أكمل !
في نفس اللحظة اتفائت بحكمت بتمسكني من شعري وبتقولي دخول الحمام مش زي خروجه ياروح امك
فاتن هتتعالج في البيت ومفيش سفر ولا رجوع غير لما فاتن تخف فاهمة يابت ولا اعيد الكلام تاني !
في اللحظة دي حسيت إني خلاص مش هرجع تاني وإن الوحيدة اللي ممكن تخرجني من هنا هي فاتن حتى لو كان الأمل ضعيف بس مفيش قدامي غير إني أتمسك بيه
بعد أسبوع