يوم عيد ميلادة
رديت عليه بكل هدوء لأ، كلامك كان محدد وواضح جداً.
قرب مني ووطى صوته أهلي جايين كمان 6 ساعات!
قلت له وكان قدامك 3 أسابيع تجهز نفسك للحظة دي.
لأول مرة، شفت نظرة الړعب في عينيه. مسك تليفونه وبدأ يكلم مطاعم، بس كان يوم سبت ومعظم الأماكن محجوزة، وأي كاترينج أو أكل جاهز في آخر لحظة كان سعره خيالي. فضل يشتم تحت ضراسه ويلف في المطبخ زي المچنون، واتهمني إني قاصدة أكسفه قدام أهله.
بصيت في عينه وقلت له إنت اللي كسفتني وأهنتني الأول.
متوفرة على روايات و اقتباسات
على الساعة خمسة، البيت كان اتملى. العربيات
راكنة في الشارع، حماتي جات بالتورتة، وإخواته جم ومعاهم الحاجه الساقعة. الكل دخل بابتسامة وهما بيسألوا إيه الريحة الحلوة دي؟
بس مكنش فيه أي ريحة حلوة.
لإني ببساطة مكنتش طبخت فتفوتة.
فجأة، طنط ليلى عمته زقت باب المطبخ وهي مستنية تشوف صواني الأكل مالية المكان، بس اللي شافته كان رخام المطبخ بيلمع، والبوتاجاز مطفي، وطبق واحد بس في الحوض مطرح غدايا أنا. متوفرة على روايات و اقتباساتالسكوت اللي حصل بعدها انتشر في البيت كله زي الكهرباء اللي قطعت فجأة.
حماتي بصت للمطبخ الفاضي وبعدين بصت لرامي وسألته بحدة هو إيه اللي بيحصل هنا بالظبط؟
للحظات، مفيش حد نطق.
وبعدين الكل بدأ يتكلم في وقت واحد
فين الغدا؟
هو الأكل لسه مجاش؟
جرى إيه يا رامي؟
حماتي الحاجة باربارا بصت لرامي وقالت له بنبرة ناشفة إنت عازم 20 بني آدم.. أوعى تقول لي مفيش أكل!
رامي حاول يضحك ضحكة صفرا مهزوزة وقال حصل سوء تفاهم بسيط.
قلت له بكل ثبات لأ، مفيش سوء تفاهم ولا حاجة.
الكل سكت تاني. رامي بص لي بټهديد، بس أنا مكنتش هحمه تاني من نتيجة كلامه.
قلت قدام الكل من كام أسبوع، رامي قال لي، وقدام مدحت ابن عمه من هنا ورايح كل واحد ياكل بفلوسه، وكفاية عيشة على قفاي. وأنا نفذت اللي هو عاوزه بالحرف. بقيت أجيب أكلي بفلوسي، وأطبخ لنفسي، وملمستش أي
